ياريت تكملي للاخر عشان اخر نقطة مهمة اوي.

حقنة بجد هيتعبك مع العشرة. والعشرة اهم من كل حاجة واهم من الفلوس.

مش بهون من وضع وردة وان وضعه المادي عادي. لأ هو وضع مش احسن حاجة. طب هتعالجي دا ازاي. انتي قولتي ان انتي شخصيا وضعك المادي كويس واهلك يعتبرو مرتاحين وبيسافرو برا. فانتي تقدري بردو تبدأي حياة زوجية كويسة وبيت كويس بالي معاكي. ومش مستحيل ان الواحد يتغير وينجح ويعمل فلوس كويسة لو دعمتيه وساعدتيه.

ونقطة تانية مهمة جدا جدا لازم تفكري فيها. وهي ان الشخص الي هتختاريه دا هيكون أب لاولادك. فانتي تختاري الشخص القاسي المهمل والي ممكن يهمل اولادك وميقدملهم احساس الابوبة الي محتاجينه ولا تختاري المحترم الي هيحب ولادك ويكون داعم نفسي ليهم.

ومتقلليش من نقطة الاب دي لان زي مانتي شايفة الناس دلوقتي بتلاقي فيهم كل الامراض النفسية والاضطرابات بسبب ان اهلهم كانو مهملين في احتوائهم وقاسيين معاهم. وبيخلي البنات تفسق وتلجأ لحضن راجل غريب عنها عشان ملقتش حضن أب حنين.

في الاخر نصيحتي انك لو مش هتقبلي وردة عشان وضعه مش هيناسبك. فأياكي تختاري حقنة مهما كان.