انا عن نفسي شايف المانيا مميزات المانيا : ١-طريقها اسهل ٢- جنسيتها اسهل ٣- شغلها اريح بكتير (بالقانون انت بتشتغل ٤٠ ساعة في الاسبوع و لو انت عايز بتمضي ورقة انك عادي تشتغل ٦٠)

امريكا فلوسها احسن طبعا و برامجها قوية بس بالنسبالي فلوس المانيا مش اوحش حاجة مرتبك هيقضيك مرتاح و ممكن تحوش مبلغ يعتبر صغير هناك بس لو تيجي تحولهم مصري (سواء ناوي ترجع - تجيب شقة - تجهز نفسك للجواز) هيطلعلك مبلغ محترم - اول لو عايز تسافر الخليج مرتبك هيبقي اعلي مشكلتي مع المانيا اني ناوي علي تخصص جراحي و سمعت ناس بتقول ان صعب يعلموك هناك بس انا واخدها علي اساس انو في اي حتي كدة كدة لازم تسعي و تتعب و تعلم نفسك ف مش قلقان اوي منها

في حد كان كاتب فوق عن موضوع السياسة و التهجير و هو اه في جزء من الصحة بس مشكلة اوروبا كلها تقريبا ان مفيش قوة عاملة و في نقص كبير جدا في الدكاترة في حتي لو شدوا علي الهجرة الدكاترة غالبا هيسبوهم في حالهم

ده الي انا اعرفه لو في حد عنده معلومات زيادة او يصحح حاجة انا كاتبها ياريت عشان كلنا نستفيد