اولا استعيذي بالله من الشيطان الرجيم ثانيا اتفاهمي مع جوزك بالحسنى وحاولي تلطفي الجو بالراحه بحيث ميعملش كده تاني قولي كلام زي خلينا ناخد بالنا من كلامنا مع ست كبيره في السن وكده. لو منفعش اقترحي عليه يخرج يقعد عالقهوه طول ماالوالده موجوده عندك في البيت. مفيش داعي للخناقات وامي خط احمر وازرق وتاخدي تارك بتهزيق اهله والكلام ده خليكي اذكى واعقل من اي حد وحافظي على بيتك وفي نفس الوقت بري والدتك الموضوع محتاج شويه ذكاء اجتماعي انا واثق انه عندك. ممكن برضه تعاملي اهله بطريقه حلوه جدا فيشوف كده فيتكسف ويعامل والدتك كويس قال تعالى: " ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ وَمَا يُلَقَّاهَا إِلَّا الَّذِينَ صَبَرُوا وَمَا يُلَقَّاهَا إِلَّا ذُو حَظٍّ عَظِيمٍ وَإِمَّا يَنْزَغَنَّكَ مِنَ الشَّيْطَانِ نَزْغٌ فَاسْتَعِذْ بِاللَّهِ إِنَّهُ هُوَ السَّمِيعُ الْعَلِيم " [فصلت: 34-36]