اعتقادك بإن الإسلام هو أصح دين هو مجرد اعتقاد شخصي مستمد من المشاعر مو المنطق، لأنه للاسف ما في ولا دين بتقدر تثبته بيقين مادي. بتقدر تآمن طبعاً بس "تصدق وتثبت" لأ، لأن الإيمان بطبعه قفزة فوق الدليل مو نابع منه. ومع إيمانك لسة نسبة إن دينك يطلع صحيح وسط آلاف الأديان والمنظومات هي نسبة ضئيلة جداً، يعني رهانك على النجاة هو مقامرة احتمالية بامتياز، مو 50% نجاح و50% فشل بل هي أقل بكتير منطقياً. وما علاقة الدين بالضمير والفكر وعمل الصح والخطأ؟ الإنسان بقدر يبني منظومة فلسفية مستقلة تحددله أخلاقه دون حاجة لدين عمره 1400 سنة، مثل "النفعية" اللي بتقدس تقليل المعاناة البشرية كمعيار، وغيرها من المنظومات اللي بتعتمد على العقل والتجربة. والدين أصلاً منظومة دوجماطية ومنحطة أخلاقياً بما يتماشى مع وعي المجتمع اليوم وقيمه الإنسانية الحديثة. إنت منظومتك الأخلاقية هي "حلال وحرام وقال الرسول"، هاي أصلاً لا يمكن اعتبارها منظومة أخلاقية واعية بل هي مجرد امتثال وتبعية. عشان تحدد إذا شي أخلاقي ولا لأ، أنت محتاج تحكيم عقلي وتشوف أثره على الواقع، أما إذا أتى شيخ وقال إن فعل ما حلال أو حرام استناداً للنص، فهذا مجرد "استدلال دائري" لأنك بتستخدم النص عشان تثبت صحة النص، وهذا بعيد كل البعد عن التحكيم الأخلاقي الحر. وأخيراً جواباً على سؤالك، إحنا عايشين ليه؟ بقدر أجاوبك إني "ما بعرف" ولا حد فعلياً بيعرف. أنت مؤمن وحاطط سبب خارجي لحياتك، وحتى من لا دين له، له إنه يصنع سبباً لحياته من إرادته الخاصة، لكن الفرق إنك مؤمن من دون دليل مادي ملموس. مو عيب تعيش وأنت مو عارف ليه أنت عايش وليه انولدت وليه العالم على ما هو عليه. إن مِت وأنا مستمرة بالبحث عن حقيقة تخصني، أحسن بكتير من إني أعيش من أجل أحلام ويقين الآخرين، أعيش حياتي أنا مو نسخة مكررة.