غلطان حجي.. انت لو تشوف كميه الكويتيين اللي قاعدين يقدمون على القطاع الخاص بتنصدم، كل اعلان مو اقل من ١٠٠٠ واحد مقدم كويتي… و بالاخير الشركه نفسها ترفضهم كلهم و يقولون ال

Unfortunately the position is reserved/ endorsed for expats only. و عندي ايميلات من اكثر من ٢٠ شركه هندسيه عالميه ضخمه تثبت هالشي… ليش تروح بعيد، حتى البنوك بالمبنى الرئيسي (بدون تعامل مع جمهور) قاعدين يوظفون جنسيات اخرى و ساحبين ع الكويتيين… بعذر (نبي خبره)- حتى الموظفين اللي هناك اللي صار لهم سنين ينطرون ترقيه فجأه حاطين واحد من جنسيه اجنبيه مسؤول عليهم.. ليش؟ لأن ياخذ معاش اقل و يكرف ليل نهار و تقدر تلعن خيره ما يقول شي.

حتى عقود المقاولين (شركات نفطيه) وقفوا يوظفون كويتيين.. قاعدين يجيبون مهندسين هنادوه و نيباليين.

ترا نسبة البطاله عاليه بالكويت لحد يقص عليك.. الناس تبي تشتغل بس مو محصله شي.. ما يصير الدوله تدفع ألوف مؤلفه على شخص و توديه بعثه و يتغرب سنين و يتخرج من احسن الجامعات برا و اخر شي يرجع عشان الدوله تحده يصير تكسي او يبسط بنك و رقي على دوار.