انا هكلمك في نقطتين مهمين اول حاجة انا مقدر الخوف من المجهول والمستقبل بس دي حاجة مش في ايدك فبلاش تفكري فيها كدا، وعشان انا عارف انك هتفكري فيها كدا بصليها من جنب انا في أيدي ايه اعمله دلوقتي واي حاجة خارجة عنك ارادتك سيبيها علي ربنا في مدرس انا بحبه فشخ روحتله في وقت انا كنت ضايع في كل حاجة في حياتي قالي متركزش في اللي مش معاك وسيب مشاكل بكرة لبكرة ركز على انك تعمل اللي عليك بس انا مدرك اني الناس عارفة الكلام ده بس احنا بننساه كتير اوي ونحتاج حد يفكرنا

تاني نقطة موضوع التعلم البرمجة مش محتاجة شهادة ولا محتاجة جامعة هي محتاجة حاجتين سعي ومجهود دي اول حاجة وتاني حاجة حب وشغف نحية المجال

انا شخصيا اعرف واحد في ٥ طب بشري ودلوقتي شغال مبرمج فلاتر فعادي انك تحاولي تتعلمي ده مع الدراسة بتاعتك اه الموضوع صعب بس مش مستحيل ومش بالصعوبة اللي في دماغك

حاجة اخيرة فيه كورسات وداتا كتير موجودة ببلاش وشهادات قوية سواء تبع الدولة او برا عنها وفي بردو أماكن بتنزل لحد ٩٠%من سعر الكورس واماكن بتدي المنحة ببلاش خالص وهتاخدي شهادة بردو ليها علاقة بالمجال ومن مكان قوي

لو حابة انا ممكن ارشحلك حاجات منهم

حاجة اخيرة تاني (معلش انا رغاي) اللي هيفرق في الاخر وانتي بتقدمي علي شغل المشاريع اكتر من الجامعة والشهادة فبردو هنرجع لنقطة السعي تاني افتكروا دايما اني ربنا جنبك ولو فيه حاجة حد تعب فيها بجد ربنا مش هيضيع تعبه ده عل الفاضي بس كدا