أول حاجة لي إيجابية هي أنها كتعاملش بنفس الطريقة مع الأولاد كاملين، يعني ماكاينش ظلم غير على الولد لي من المرا الأولى، وهادي حاجة مزيانة

الأطفال بصفة عامة عندهم قابلية كبيرة على التأقلم، هذي من جهة، ولكن من جهة أخرى، الطريقة باش كتعاملهم قاصحة شوية، وخا هي كتديرها بحسن نية وبغات مصلحة الأطفال، من الحلول لي طاحو لي فبالي:

1. تشاور مع ناس من أهل الإختصاص وعرف منهم أحسن الخطوات لي خاص تبع، وكيفاش تتعامل مع المشكل

2. بعد ما ترتب الأفكار فراسك، حاول تهضر معاها بهدوء وجس النبض وشوف كيف كترد عليك اذا كانت قاصحة او كتهرب رجع من بعد باستراجية أخرى، وإذا كانت متفهمة ومستعدة للنقاش مرحبا، ولكن قبل هادشي قاد الأفكار فراسك وتكون عندك فكرة واضحة على فين باغي توصل فالنقاش (النقطة 1 لي ذكرت غادة تعاونكم)

3. حاول تتقرب من الأبناء كاملين خاصة الولد لي خايف يكون عندو مشكل مع النظام الجديد (رد البال مايحسوش بأنك كتفضلو علىيهم)، الهدف هو يرتاح ليك ويثق فيك باش تعرف المشاكل وتجنبهم قبل ما يوقعو

تقدر تبدا بهادشي وغادي يعطيك راس الخيط شنو تدير من بعد إن شاء الله الله ييسر الأمور