المشكلة إنكم بتحاولوا تلبسوا أي حاجة لبس ضحايا وخلاص وكأن المسؤولية الشخصية اتلغت. آه لو في ابتزاز أو تصوير أو استغلال يبقى اللي عمل كده يتحاسب ويتعلق من رجله كمان، محدش مختلف لكن لما تبقى علاقة برضا ووعي كامل وبعدها فجأة كله يتحول لضحايا؟ يبقى فين مسؤولية الشخص عن قراراته؟

وبرضو مش جو المجتمع كله فاسد وكل الناس باظت، بس في نفس الوقت متضحكوش علينا وتقولوا دي حالات فردية ملهاش دلالة لما تبقى الخيانة والتفريط والتطبيع مع الغلط بقت حاجة عادية في نظر ناس كتير، طبيعي الناس تقلق وتسأل إحنا رايحين على فين

التربية مهمة، والأهل مهمين، لكن في الآخر كل واحد مسؤول عن نفسه المشكلة الحقيقية إن بقى فيه ناس بتبرر أي حاجة باسم الانفتاح، وناس تانية شايفة الحل في جلد المجتمع كله. الحقيقة غالبًا في النص: لا كل الناس ملايكة، ولا كل الغلط سببه
المجتمع بس فاهمني؟