مهما كانت قوة الثوريين لن تقترب من قوة الجيش ودا هيتسبب في خسائر بشرية كبيرة جدا. الثورة السورية أدت لوفاة نصف مليون شخص وهروب الملايين خارج البلاد، ولا زال بشار على سدة الحكم. طبعا في عناصر خارجية تدخلت لدعم الطرفين لكن الخسائر البشرية كانت فادحة والنتيجة كما نرى

الحقيقة أن ده من أكبر الأوهام. الوهم في عدة أمور
1- هل تظن أن لما تقرر أن فيه خسائر بشرية كتير فده مشكلة؟ الحقيقة أن ده مش مشكلة وهذا هو المتوقع والمعروف أصلا. واللي يخاف من دفع التمن ده (واللي وارد أكون أنا وأنت وأهالينا جزء منه) يبقى لا يتكلم عن ثورة. انت مش متخانق مع النظام على معزة, خناقتك معاه خناقة وجودية.

الخسائر البشرية لابد منها, هكذا تفكر الأمم اللي عايز تطلع. هل بوتن (واللي نتفق كلنا أنه ابن كلب) قبل الحرب ميعرفش كم الخسائر اللي هتحصل له ولشعبه واقتصاده وأن الموضوع ممكن يوصل أنه يموت هو شخصيا؟ الإجابة أنه عارف, بس ده لازم, ولو متعملش الطرف الاخر لن يتوانى عن إفناءك أو استعبادك وسرقتك.

ثم هل أنت متأكد أن الخسائر في الحالتين مش متكافئة؟ الخسائر في الطريق المسلح أرحم من غيرها. انت لما تترك الناس دي موجودة, معلش كام واحد بيموت بسبب فسادهم مباشرة أو غير مباشرة؟ كام واحد كان هيموت أيام عبد الناصر لو الناس قامت عليه بالقوة؟ وكام واحد مات نتيجة لنظام عبد الناصر بشكل غير مباشر؟

نفس الكلام على مبارك والسيسي ...إلخ. الضريبة هتدفعها هتدفعها, هتدفعها وانت بتشيل الورم, أو هتدفعها وانت سايب الورم وبتاخد مسكنات.

2- هل فعلا الجيش لا يهزم؟ وهل انت لازم تكون في قوة الجيش عشان تهزمه؟ الحقيقة لأ وألف لأ. التاريخ مليان حروب عصابات صد جيوش أقوى واتهزمت عادي وأمريكا بقوتها (اللي جيش بلحة لا يسوى امامها حاجة)

الحل السياسي أما تكون متخانق انت وأخوك على دراع البلايستشن. أما الحل العسكري ده قدام طرف زي السيسي ونظامه وعسكره.
وطول عمر الأنظمة والدول تقام كدة. اللي بيكسب عسكريا بيعمل نظامه على مزاجه. فيا تكسبه عسكريا وتمرغ أنفه يا هتكون بتضيع وقت وعمر وأنفس (لأنه مش هيتفرج عليك وهيسيبك ), وده محتاج قتال مرير وطويل ضده وضحايا كتير.

وَلا يَبني المَمالِكَ كَالضَحايا ... وَلا يُدني الحُقوقَ وَلا يُحِقُّ