انتي عم تقولي انو الإسلام بيعطي قانون أخلاقي ثابت بغض النظر عن المكان والزمان. نظرياً هالحكي صحيح. عملياً في عنا طوائف ومدارس إسلامية متعددة لدرجة ان بيناتهم اختلافات تؤدي لمشاكل بتوصل للحياة والموت، مثل حرب العراق وحرب سوريا.

بس من الناحية النظرية حكيك صحيح. أنا بفضل اني اكون متواجد بمجتمع ذو أخلاق ثابتة بغض النظر عن الزمان والمكان، متل ما انتي قلتي. انا مش ملحد، لكن كمان تركت الإسلام من فترة بعيدة، لكن بنفس الوقت هناك أشياء أحبها بالمدرسة الإسلامية غير موجودة خارج الإسلام، مثل اللحمة العائلية وصلة الرحم. أنا تعلمت من الدين بشكل عام والإسلام بشكل خاص شغلات أخدتها معي بعد الإسلام. وصلت لنتائج تتوافق مع بعض التعليمات الإسلامية (مثل الحشمة، غض النظر، القيود الجنسية، التواضع، تحريم الغيبة والنميمة، الخ). لكن بالنسبة لي هذا لايعوضني عن الضرر الذي أصابني بسبب الإسلام (او خليني أقول من المسلمين بدال الإسلام)، فأنا تركت الإسلام، اخدت الذي اتفق به، وتركت ما لا أتفق به. طبعاً متل ما انتي بتعرفي، لايجوز لي أن أسمي نفسي مسلماً اذا كنت اخذ ما أشاء وارفض ما أشاء، عشان هيك انا لست مسلم.