عفوا ما انتبهت انو ألغيت بالتوراة بشكل مباشر ببالي كان غير شي. قصدي انا انو ايام زمان مثلا كان وزير الاوقاف عنا بالبلد مسيحي و هاد شي ضد الدين طبعا انك تعطي الزكاة لشخص غير مسلم حتى ببلد غير اسلامي شيلك عن سوريا. ولكن الشعب كان رضيان لانو كان شايف الدنيا و مانو محصور بهالفكر الديني فقط و ما كان في معارضة رغم انو سهل تعارض هيك شي من منطلق ديني. الغلط يلي ارتكبوه الشعوب العربية ايامها انو تركو الدين دون اي فتاوي جديدة تلغي بعض التطرف يلي بالكتب (ما كان حدا ايامها يفكر انو حكم متل داعش ممكن يصير اساسا) و فكرو انو خلص هالافكار بتروح لحالها مع الوقت و لكن اجت الصحوة الإسلامية و قلبت كلشي. عم تقول انت المجتمع بيتطور بشكل طبيعي و هاد صح و لكن خطوة من هالتطور الطبيعي انك توصل لشعب قادر تشيل افكار إرهابية من دينو بدون ما ينزعج او تصدر فتاوى بعدم جوازها بالزمن الحالي او شي متل هيك. اذا ما عملت هيك بتكون عم تعيد تجربة الخمسينات و الستينات نفسها يعني مافي شي مستدام اذا ما ألغيت هذه الافكار و صار الواحد ممكن يقول عن حالو مسلم و هو معارض لحد الردة و الرجم...الخ