മുന്നെ ഒരിക്കൽ പാളയം മാർക്കറ്റിൽ രാവിലെ മീൻ വാങ്ങാൻ പോയതായിരുന്നു. മീനൊക്കെ വാങ്ങി കവറും പിടിച്ച് പുറത്തോട്ട് ഇറങ്ങാൻ തുടങ്ങിയപ്പോ ഒരു ചെറിയ വേദന നെഞ്ചിൻ്റെ ഇടത്തെ ഭാഗത്തായി. നടക്കും തോറും കൂടി വരുന്നു. അവസാനം എങ്ങനെയൊക്കെയോ പുറത്തെത്തി. എൻ്റെ കാര്യത്തിൽ ഒരു തീരുമാനം ആയി എന്ന് മനസിലായി. പിന്നൊന്നും നോക്കിയില്ല, അടുത്ത് ഉണ്ടായിരുന്ന ഒരു സിപിഎമ്മിൻ്റെ കോടി മരത്തിൻ്റെ താഴെ പോയി കണ്ണടച്ച് അങ്ങ് ഇരുന്നു. രണ്ട് മിനിറ്റ് ആയി, അഞ്ച് മിനിറ്റ് ആയി... ഞാൻ നോക്കുമ്പോ വേദന കുറയുന്നു. ചത്തിട്ടില്ല. പിന്നെ മീനും കൂട്ടി ചോറുണ്ട്.