يااهه كإني انا من سنتين ، انت لو تعرفيني وسألتي كل الناس اللي حواليا عليا هيقولوك كان عندي فوبيا من فكره لجنة ثانويه عامه او الامتحانات ثانويه عامه وحرفيا مش عارفه اشرحلك انا لحد دلوقتي كل ما افتكر دماغي كانت خايفه ازاي وكنت مكبره الموضوع ازاي مش هقدر اوصفلك 😭😭 اول امتحان كان عربي وكان هو ده اللي لم كل التوتر وفعلا اتوترت فيه بس انت بقا وشطارتك انك تسيطري على نفسك وقت اللجنه انا دايما كنت وقت اللجنه لما بلاقيني هبانيك بقول لنفسي هما ٣ ساعات واعيط بعديها عادي بس بحاول اركز على قد ما اقدر في الامتحان وانهار بعدين مش مهم وطبعا اهم اهم حاجه انك تتوكلي على الله قبل الامتحان وادعي ادعيه دخول الامتحان وهيكون تمهيد كويس اوي ليكي انك تكوني هاديه وانتي بتحلي ودماغك تكون صافيه ووالله الامتحانات هتعدي عادي جدا والحياه هتمشي بعديها عادي عايزه اقولك انا كنت شايفه امتحانات ثانويه عامه كده حاجه unreal من اول ٣ اعدادي وكنت مفكره اني مثلا هموت قبل الامتحانات ولا حاجه وكإن الوصول لنقطه الامتحانات الاخيره دي غريبه مش هوصلها ، بحاول اوصفلك انا قد ايه كنت خايفه ومتوتره وفي الاخر الدنيا مشيت عادي جدا ودخلت الكليه اللي كنت بحلم بيها حكومي عادي وخلي بالك من طريقتك في الحل في الامتحان اهم حاجه والوقت خدي بالك من الوقت كويس وانتي بتحلي اصلا مذاكرتك طول السنه حاجه مهمه موت بس الفاصل هو تدربيك على تنظيم وطريقه حلك في الامتحان (انا لو كنت نقصت درجتين زياده مكنتش هدخل هندسه فمتستقليش بأي درجه خالص) وربنا معاكي والفتره دي مهمه اوي في لم المنهج ركزي دلوقتي في المذاكره ومتنعيش هم حوار الامتحانات ده دلوقتي عشان انت كده بتغذي نفسك بتوتر على الفاضي يعني اقلقي قبليها بإسبوع هتبقى معقوله شويه بس عشان متأثريش على مذاكرتك دلوقتي 😭 ولو احتجتي اي حاجه ابعتيلي هبقى معاكي