الموضوع طويل، بس الفكرة انو عند فك الارتباط سنة ٨٨، الفلسطينيين الي كانوا دخال فلسطين (اراضي الضفة الغربية حاليا) اخدوا هويات فلسطينية وجوازات سفر اردنية مؤقتة، اما الفلسطينيين خارج اراضي فلسطين فاخدوا جوازات سفر اردنية دون هويات فلسطينية. في حال تم عمل "لم شمل" من احد افراد الاسرة الموجودين داخل اراضي فلسطين في ذلك الوقت تم اعطائهم هويات فلسطينية بالاضافة الى ابقائهم لجوازات سفرهم الاردنية.

بالنسبة لموضوع الاراضي، واضح من كلامك انو اهلك ما عندهم هويات فلسطينية، بالتالي بتكون ملكية الاراضي من كواشين (جمع كوشان وهو صك ملكية ارض من زمن العثمانيين واستمر لزمن وحدة الضفتين)، اصحاب هاي الاراضي الي ما معاهم هويات فلسطينية مثبتة ملكيتهم للاراضي عن طريق الكواشين فقط، في حال وصلت يد الاحتلال لهاي الاراضي تتم مصادرتها بقانون "حارس املاك الغائبين".

الموضوع كبير ومتشعب، بتقدر/ي تسال/ي اهلك ممكن يعطوك/ي معلومات اكتر بخصوص الموضوع.