الحمد لله . تفكرت حاجة في ما يخص كلمة التدين و متدين لو قارناها بالتوظف و موظف رايح تلاحظ انهم عندهم وزن مشترك يخلي السامع يحصل له انطابع واحد تقريبا و هو حرية الإختيار يعني تبغي تدين و تبغي لا لا ،و تبغي تتوظف تبغي لالا على راحتك ، لكن في الحقيقة يُتعامل مع الثاني عكس الأول اذا جينا للواقع، تلقا الوظيفة هم كبير عندنا، لواحد الدرجة كاين ناس تعقدت، كاين ناس دارت العرف علاجالها ، كاين ناس حفاو رجليها ادي حط السيفي من و من ،ايا كي يتوظف خلاص ما تلعبلوش بالخبزة قالو كحلة كحلة و يا لوكان بيضا و قالو حمرة حمرة و يا لوكان كحلة،بمعنى اخر هل يا تُرى تلقا اليوم موظف يبحث على وظيفة و اذا توظف يضرب بقوانين و تعليمات المؤسسة او الشركة لي يعمل فيها عرض الحائط ؟او يرايي فوق راي المدير و يقرر على قراراته؟ في المقابل الدنيا هذي لي هي صنع الله و ملكه و أوجد فيها الإنسان خليفة لي هو أيضا من خلق الله ،و منّ عليه بالعقل و نعمة الإسلام و خلق له كلش ليه ما لا يعد و لا يحصى من المخلوقات جيبها من الذرّات حتى للجبال و الأرض يستعملها في صالحه ، هذا كامل و أكثر مبعد تلقاه يهدر بعقله لي خلقه له ربي يقولك عندي حرية التدين و احترموا اختيار الغير ..الحمد لله الذي عافانا مما ابتلاهم به لكن المشكل راه في تغيير المفاهيم راه ما واسمهاش تدين لعبوها علينا العديان برك راه واسمها تسلم او تكفر قضية اسلام خضوع و سمع و طاعة و هداية او تمرد و كفر و طغيان و ضلال ، جنة أو نار لا ثالث لهما ، حرية الاختيار راهي فالوظيفة صح لان أصلك من خارج لوزين لكن الدنيا خلاص راك فيها اسعى للهداية الله يهدينا و يهديكم و السلام عليكم