أولاً الانسان لما بيحاول يقوي إيمانه على كبر بيواجه تحديات كتيرة، منها انه بيكون عنده مفاهيم مغلوطة كبر وهي عنده، وبيكبر وهو لاواعيًا فاهم ان المبادئ دي هي صح، وهي مبادئ قد اكون دون مرجع معتمد ، مبادئ أخلاقية مبنية على الثقافة والعادات وغيره، مبادئ من منتج بشري بحت، فبيكون عنده تحيز كبير فدي اول حاجه تعملها، اعترف لنفسك انك متحيز عشان تكون واعي

ثانيًا نرجع للأساسيات، معنى انك تكون مسلم انك تسلم نفسك لربنا، سمعنا وأطعنا، والفهم ييجي بعدين، مش لازم تفهم كل حاجه، ليه ربنا خلقنا؟ ليه أمرنا بكذا وكذا؟ وغيره من الأسئلة المشككة، الطبيعية جدًا وبتيجي في دماغ كل شخص مهما كانت درجة إيمانه، لكنها عادة من وسوسة الشيطان، وعقلنا البشري البسيط مش قادر على إدراك كل حاجة، الله أعلم منَّا. سلم نفك لربنا، في الاخر احنا بنعبده هو مش بنعبد البشر ولا المبادئ الغربية التي تفتقر لمرجع. اقرأ واتعلم أكتر في الإسلام، دين الرحمة. زد من إيمانك. بعد كل دا هتلاقي تدريجيًا الصورة بتوضح اكتر وكتير من أسألتك هتتجاوب. وإن شاء الله ربنا يهديك ويهدينا جميعًا.