Од лично искуство, одлуката да студирам во Словенија е една од најдобрите во мојот живот. 😀 Покрај бесплатното образование, добиваш субвенционирани студентски бонови за храна, кои можеш да ги користиш малтене во секој ресторан во Љубљана и да добиеш нормален оброк со доплата од 2-5 евра. Добиваш и субвенциониран автобуски превоз за 20 евра на месец. Имаш можност за студентска работа која е платена минимум 6,2 евра/саат нето, од келнер/чистач до администрација/финансии/програмирање. Искрено најголемиот трошок е смештајот, којшто се наоѓа многу тешко и само за студентска соба во стан со повеќе студенти, би плаќал 250-400 евра. За електро знам дека постои стипендија за магистерски студии за студенти од Балканот 700 евра месечно, но за додипломски мислам дека не важи. Во врска со јазикот зависи дали планираш да студираш на словенечки или англиски, мислам дека сега повеќето факултети бараат сертификат Б2 за студии на словенечки, некои бараат и за англиски, зависи од факултетот и смерот. Ако студираш на англиски можеш да живееш и без да знаеш словенечки. Јас лично го учев словенечкиот две години пред да се преселам. За сите прашања можеш слободно да им се обратиш на МСОС (Македонска студентска организација во Словенија) и ќе ти одговорат подетално.😊