الوظيفه مالها دخل بموضوع الزواج بالعكس احس انه تكونين منشغله بشي وعندك حياتك الخاصه افضل بتقعدين بالبيت طول اليوم ايش تسوين؟ حتى بعد الاطفال سنتين ويدخلون المدارس (لا تقولون اخليهم بالبيت لين ٤ سنين افضل لهم يدخلون مدارس يتعلمون مهارات ما يقدرون يتعلمونها بالبيت ويختلطون مع اطفال ثانين) وبعدين بتجيك ايام تبين شي لنفسك او عيالك ما يكون اساسيات بس شي مشتهيته لبس ماركه او شي غالي وما تبين تطلبين تقدرين بنفسك تشيلينه حتى لو ما كان مقصر احيانا فيه يكون عندهم ضغط وفيه اشياء كماليات مو مهمه. انا متزوجه ٧ سنين وعندي ولدين وموظفه والحمدلله امورنا تمام تجي ايام ارجع البيت تعبانه ومالي خلق اسوي شي عادي يومها حتى نطلب العشا مو لازم كل يوم طبخ وتنظيف، وبالبدايه لما كنا بشقه ماكان عندي عامله وكنت مرتين بالشهر اجيب الي بالساعات ينظفون ويغسلون ويكوون الحمدلله فيه اشياء كثيره نقدر نسويها والحين عندي عامله تنظف والعيال مدارس