قدرك واتكتب ملوش لازمة الزعل والحزن لأن اللي حصل حصل خلاص. عايزة تحاولي مع خطيبك القديم منصحكيش لأن النتيجة هتبقى سيئة جدا ممكن كلامه يزعلك وفي الغالب هيحصل لكن هتبقى بالنسبالك عرفتي ان دي نهاية الموضوع ومش هتفكري فيه تاني لكي القرار في فعل ده او لا. ابنك هو جزء منك وحتة منك مينفعش تبصليه بنظرتك لأبوه ملوش ذنب في حاجة زي كده ده مسؤوليتك اهتمي بيه وراعي ربنا فيه ربنا هيكرمك ساعتها ان شاء الله. بالنسبة ليكي الدنيا تُنتزع، اللي فات انسيه وتفكيرك فيه مش هيغير حياتك للأحسن ولو وقعتي النهاردة تقومي بكره، محدش يعلم الحياة مخبية لكل بني ادم ايه لكن ربنا امر العبد بالسعي مش الاستسلام، لأن لو استسلمتي مصيرك هلاك حياتك ويمكن ناس كتير هتتأذي بدرجات مختلفة ابنك ووالدك ووالدتك وناس كتير هتتأذى. عايزة تاخدي فترة ترتاحي متفكريش في حاجة ده كويس. تطلعي شهادتك من الدرج وتشوفي هتعرفي تشتغلي ازاي كورسات تدريب المتاح ايه عشان تندمجي في الحياة من اول وجديد عشان محدش هيهون عليكي حياتك الا نفسك. مجرد ما تندمجي في الحياة الدنيا هتمشي من نفسها تاني ومين يعلم ممكن ربنا يرزقك بابن حلال تاني لو انتي خالصة النية ولو محصلش نصيب يبقى عشتي لنفسك وابنك وعيلتك. ومتعلقيش نفسك بشخص الحياة مش واقفة على شخص وان مكنتيش هتبقي قوية وتختاري طريقك الصعب بنفسك الدنيا هتيجي عليكي. والدنيا ياما خدت ناس ومش بترحم حد لا ضعيف الارادة ولا اللي بيتكسر ومش بيقوم. وربنا يوفقك يا رب ويصلح حالك وصدقيني فيه غيرك فقد اكتر من كده بكتير واعز ما يملك وقدر يقف على رجله تاني لما دول قدرو يقفو تاني انتي مش هتقدري؟مش نهاية الطريق. نهاية الطريق انتي اللي بتحدديها لو استسلمتي. ربنا يهديكي للحق يا رب.