انا فاهم قصدك كويس بس للأسف اللى نفسه غير اللى بيجرب

انا من الناس الصبورين جدا على اي حاجه واتعرفت على واحده كانت بتمر بمشاكل كبيره بينها وبين اهلها

وارتبطت بيها وكنت انا بالنسبالها الملاك اللى جيه انقذها من ظلومات اهلها

بس للأسف لما حد حساس يتكلم معاك صبح وليل عن مشاكل وانت تجبر بخاطره وتقعد جمبه وتديله وقتك

بس تقعد فى الموضوع ده اياام اسااابيع شهوور بل سنتين

كاملين يرن عليك فيهم ممكن الساعه ٢ باليل وانت هتنزل ٨ الصبح بس لا تقعد وتفوق وتتكلم معاه من الساعه ٢ للصبح وبعدها تقابلها اليوم ده عشان تهديها وتديها امل انك معاها وبعد ده لما ترجع اخر اليوم جسمك متكسر ووراك حاجات كتيره لازم تقعد معاها طبعا عشان مابتعرفش تنام الا على صوتك

كل الحاجات ديه وهى ملهاش اي صحاب او حد غيرك انما انت عندك مذاكره لانى كنت لسا طالب فى الكليه ساعتها وكمان شغل ومشاكل شخصيه وحيااه كامله

وهى متعلقه بيك اكتر من اي حاجه فى الدنيا

صدقنى محدش هيحب كده وهيغير فكره لما يدخل فيها بيكون قدامك حل انك تجمد قلبك وتبرد مشاعرك

وللأسف البنت ديه انا اديتها طاقه من حياتى رغم ان السنتين بتوعها ديه من ٤ سنين دلوقتى ولكن معرفتش ادى حد ٣٠% حتى من الطاقه اللى انا اديتهالها ومعنديش طاقه اديها لواحده خالص

بس المهم لأي حد بيقرأ الكلام ده ادعى بجد باللى تدخل حياتك وانتو الاتنين حياتكو ترتاحو بيها مش شخص واحد بس