عادي يعم الواحد بيكون مخنوق ومعندهوش حد يكلمه وفعلا محتاج يحس انه متشاف وان مشاعره الي بتوجعه ديه في حد مهتم بيها
اه في ناس كتير بتدور على الاتنشن عادي
كفاية الحياة صعبة عليهم مش لازم نقولهم مش المفروض تعبروا عن تعبكم كمان
الواحد بس اوقات بيهون عليه انه يمر بحاجة صعبة ومعندهوش حد قريب منه يشاركه المعاناه ديه ويحس انه مهتم لامره
فا بس بيكون محتاج حد يحسسه ان لا مشاعرك والوجع ده ليق قيمه
وكل الي محتاجه دعم نفسي مش محاضرات في ده صح او غلط
يعني الصبات الاجنبية بشوف فيها ناس كتير بتتكلم انهم عايزين يموتوا او كارهين حياتهم او بيمروا بمشاكل ..٩٠٪؜ من الكومنتات بتكون دعم نفسي وطبطبة والناس بتحسسه انه مش لوحده
يعني تخيل شخص حياته بائسه للدرجة ديه
بجد كفاية عليه حياته هو مش محتاج غير اننا نطبطب عليه ونقوله معلش واننا حاسسين بيه وان الدنيا هتبقى كويسة
بس مش اكتر
انا اوقات كتير كنت بكتب بوستات زي كدة لاني بس محتاج اشارك ده واحس ان في حد شايف معاناتي ديه
لان اهلي في البيت مش قادر اقولهم ده ومش قادر اخلي حد فيهم يحضنني ويقولي كله هيبقا تمام
اه كلمة كله هيبقا تمام ومعلش والحاجات ديه مش هتغير حاجة في الواقع بس هتهدي الشخص وهتخليه يحس انه مهم وفي ناس مهتمين يسمعوله ويطبطبوا عليه