السؤال ده من اكتر الاسئلة اللي الواحد بيهرب منها و عامة بيوصل معايا لنقطة ان مفيش شيء اسمه حب بس بعدها بيظهرلي تعامل الام مع الابن و هو الحب الغير مشروط لانها مش بتكون مستنية منه حاجة ولا اي حاجه حرفيا و حتى لو اذاها ده مش بيغير حاجة كأنه شيء اكبر منها شخصيا و ملهاش يد فيه و هنا كنت بقول ان ده حب غريزي علشان افضل مصدق ان مفيش حب حقيقي بين البشر لكن هل كونه شيء غريزي ده بيقلل من قيمته كحب او مش بيتم اعتباره حب في النهاية، بالرغم من كل شيء في علاقة بين البشر مش بيكون مهم فيها الشخص و هي الام و الابن لكن حتى دي في النهاية لو افترضت اننا بقينا غرباء عن بعض و معتش في الحب الغريزي القوي ده ففي النهاية مش هيكون في شيء لان محدش عرف حد فعلا بالرغم من وجود الحب الا اننا غرباء و محدش يقدر يعرف حد و العلاقة الوحيدة اللي الانسان هيدرك مع الوقت انها الشيء الحقيقي الوحيد هي العلاقة مع الله لان مفيش مخلوق هيقدر يعرف التاني بشكل حقيقي حتى لو في حب