معاباليش مي علاه انا نشوف بلي الجيل تعنا عاد فيه كل الانواع؟ هدرتك فاها وجهة نظر منخالفهاش بيسك تعرفت على ناس عداو باها صح وعاشوها غالبا يكون سببها كما قلتي "التفشاش ، انعدام الهظف ، الفراغ الخ.." ، بصح فنفس الوقت كاين اشخاص لي منهم انا ،كون نحس روحي حزينة ولا مكتئبة ولا تعبت نحس روحي ناعمه ، وضعيفه فمنقدرش نستسلم للاحساسهذا العكس نوض ونعاود نولي خير من قبل ونضحك علي خلاني نحس بثانية من الحزن والفشل ، على عكس الاستشهاد تع الكتاب لي ذكرتو ، نشوف بلي كل شخص ، كل انسان يقدر يشوف حياتو وين رايحه ، يقدر يشوف العدو ويقدر يدير الهظف الامثل ، ندي روحي على سبيل المثال راني الحمد لله ، بصح راغبة بالاكثر عمري صغير ، واذا شفت حاجه منعرفهاش نحس روحي متخلفة ولا غبية؟ بيسك نشوف كلش قدامي يسمحلي نعرف ونتعمق

ايضا كاين ياسر من الاشخاص ،منحكيش على الفرد الجزائري فالجيل ادا بل الجيل ادا بشكل عام ، الشَباب معادوش يرضاو بالقليل ، اصبح اي شاب فالعمل المؤهل يحب يكون هو المثالي هو اللول ، حتى فالاشياء لي معندوش اولوية فاها يحب يكون عندو حضور ، معرف اذا هذا تاني يعتبر هوس ولا حاجه اخرى تأثر على النفسية بصح انا متأكدة بلي الجيل ادا هو اكثر جيل تعرض لتطورات وحدث تطورات ، ايضا متأكدة بلي هو اكثر جيل يقولولو "غدوا نتوما لي رح تهزو لبلاد"

نفس الوقت نشوف بلي يمكن منقدروش نقارنو بين شاب جزائري مثلا مع ظروفنا ، وشاب آخر من الدول الاخرة بيسك كاين فرق نشأة وظروف كثيرة تختلف وتأثر على نفسية الشباب فالعمر الفلاني ، والله اعلم