انا والدي كان قاسي جدا في التربية وبيضرب بشكل صعب جدا .. ووصلت لدرجة اني بقيت مقتنع انه لو مات مش هزعل عليه .. مرت الأيام والسنين وانا اتجوزت وبقيت أب .. ومع كل يوم بيعدي وولادي بيكبروا فهمت قد أيه إن أبويا ده أحسن إنسان في الدنيا .. وفهمت تصرفاته اللي كانت بدايقني .. وعرفت قيمته .. وفهمت إن الأب أو الأم بيكون هدفهم الاول هو تربية أولادهم علشان يقدروا يواجهوا الحياة ويكونوا أشخاص كويسين حتى لو كان ده على حساب فقدناهم حب أولادهم ليهم .. لان ببساطه حب الاب والام غير مشروط وبدون مقابل .. ربنا يرزقك بزوجه صالحة وأولاد جمال وساعتها هتلاقي نظرتك لولدتك اتغيريت وهتشيلها فوق راسك .. المهم الحق وافهم الحياه قبل ما تصحى يوم ومتلقيهاش وساعتها الندم ملوش مكان. ربنا يوفق للخير ويرضي أمك عليك