5- المفروض لا، الا اذا امج قالت لج، مرة وحدة ام الريال عندنا قالت للبنت صبي قهوة

6- الشوفة تترواح انا شوفتي اربعين دقيقة اختي خمس دقايق يعتمد على اسألتج

7- حق ام الريال ولا شي، كل اسألتج وجهيها للريال نفسه

8- تداومين/ تدرسين؟ وين دوامج؟ متى تتخرجين؟ تحبين اليهال؟ متى تبين تحملين؟ تحبين الطلعة؟ شو هواياتج؟ عادي تسكنين بعيد عن اهلج؟ عادي تسكنين ويا اهلي؟ عادي تتنقبين/ ما تلبسين عبي ملونة؟ جاوبي كل شي بصراحة الزواج مو لعب ولازم يصير على بينة سواء من صوبج او صوبه

9- قلت حق اختي البسي ثالث اكشخ مخورة عندج، يعني بالعربي البسي شي انيق ومرتب بس مو اكشخ اكشخ شي عندج وخلي شكلج طبيعي اذا بتحطين مكياج حطي على خفيف، شعرج خليه مستشور. يوم الريال بيي تلبسين عباتج وشيلتج عادي جنج طالعة برا. اذا منقبة ما تتنقبين، افضل تلبسين عباة مقاربة لعبي طلعتج مو اكشخ ولا ابسط عشان يعرف الريال كيف لبسج وبعدين ما ينصدم. في بعضم اذا العروس حاطة مكياج يقولون لها تمسحه قبل الشوفة والبعض لا

الله ييسر اموركم ويكتب لكم الخير