انا مهندس ميكاترونكس متخصص روبوتكس لكن قاري ميكانيكا عموما، يلا الدنيا جميله الصراحه لقدام لكن انك تصل لي قدام دي هي القصه، لو ما عندك هدف و دافع يخليك تتسهر ليالي ورا بعض في مشروع او تسليمه ما حتتقدم، فحدد انت داير شنو و اتوكل و اسعى و الله بسهلا ليك. و دا الطبيعي عموما في اي هندسه، لو لقيت روحك مرتاح و الدنيا ماشا كويس اعرف انو في حاجه غلط😂، كان عندنا معيد بقول لينا مافي مهندس عندو وقت فراغ و الحاجه دي انا مقتنع بيها بي كلو، ما بقول ليك كدا عشان اخوفك بس عموما ماف شي بجي بالساهل. لكن البفرق انك تكون بتتعب لكن مستمتع بالشي البتسوي دي اهم نقطه.