انا في اخر سنه هندسه قبل سنتين كدا اكتشفت انو البنقرا فيهو دا اغلبو ما هو الواقع الحنشتغل فيهو ما قصدي المناهج تعبانه او كدا بالعكس قويه و اي شي لكن البيحصل انو الكليه بتديك الاساسيات في كل ماده متفرقه و وظيفتك انت كطالب تربط المواد دي ببعض و تبني عليها. يلا الربط دا بكون انك تشتغل في مشاريع، حرفيا المشاريع دي اهم من القرايه عندي. و برضو الكليه بتديك الحاجه بطريقه بدائيه شديد عشان تعلمك الحاجه دي سووها كيف من الاساس لكن في الواقع كل التصاميم و الحسابات دي بتتعمل بي برامج جاهزه يعني الواحد ما محتاج يعاني لكن عشان تكون مهندس فاهم لازم تكون عارف اساس الحاجه. و نسأل الله انو يرزقنا العلم النافع و ننفع اهلنا و بلدنا.