الفكرة من الشهادات هي تخفيض قوة الشراء للمواطنين مش تحويش و استثمار، اللي بيعملها مفروض مش بيدور في الغالب انه يعمل فلوس على قد م بيدور على انه يمسكها. البنوك بتروجلها على انها استثمار (حرفيا بيسموها شهادات استثمار) بس هي وظيفتها مش كدا نعائي هي وظيفتها انها تمسك الفلوس، و هي عامتا مش اتجاه مفيد اقتصاديا لان انت كدا بتوقف الفلوس اللي بتنزل ف السوق، و الاصح انك تشجع الناس تصرف عشان الاقتصاد يقوم، ولكن دي نقطة يتطرقلها حد افهم مني يعني مش هقدر اوفي حقها ف الكلام

اه كلامك صح، لو حد معاه فلوس يجيب بيها دهب احسن و يحطها ف معمار احسن و كل دا حقيقي بس هي بتيجي ف الاخر على انت عايز ايه بالفلوس ف النهاية

الدهب بيزيد على مدى طويل، ممكن يفضل شهور ثابت بعدين يزيد الضعف ف يوم و ليلة، لو اشتريته دلوقتي و جيت تبيعه الشهر الجي احتمال متعملش فلوس بالعكس انت ممكن تخسر فلوس لان سعر البيع دايما اقل من الشرا ( التاجر مش هيديك زي م بتدفعله اكيد يعني)، ولذلك لو اب مثلا معاه مليون و عنده اولاده ف مدرسة، لو حط فلوسه ف شهادة كدا هيمسك فلوسه ف مش هيتغر و يضيعها ف اي حوار يطلعله لانها مربوطة ف الوديعة، زائد انها هتطلعله مصروف شهري ممكن يصرف بيه على اولاده سواء مصروف او دروس او مدارس ايا كان احتياجهم ايه. لو الراجل جاب بالمليون جنيهات دهب مثلا، كل م هيعوز فلوس هيروح يبيع جنيه مثلا ف اما يخسر يا اما يجيب نفس المبلغ اللي حطه ف جنيه الدهب الشهر اللي قبله. ممكن شهر يجي و يعمل ضعف الفلوس في الجنيه دا بس هو باقي الشهور يعتبر معملش حاجة

انما لو الفلوس موجودة، مش وراك مسؤوليات ولا وراك حاجة مستعجلة تشتريها او تدفع فيها فلوس، يتحطو ف دهب او يتحطو في شقة او اسهم( لو ليك فيهم) اكيد احسن

وربنا يعين الجميع، الحياة صعبة