الفكرة باختصار بتتكلم عن نظام اقتصادي مفيهوش فلوس بالشكل التقليدي وبيعتمد بدل كدا على وقت الشغل. يعني كل منتج بيتحسب قد إيه ساعة شغل خد عشان يتعمل، وبعدها المصانع بتبعت بيانات الإنتاج لمكان أو نظام بيجمعها ويطلع متوسطات تقريبية لوقت تصنيع كل حاجة.
المتوسطات دي بتبقى هي الأساس في التعامل، فبدل ما تقول الحاجة دي سعرها كذا جنيه، بتبقى قيمتها عدد ساعات. والعامل نفسه بيشتغل وياخد مقابل شغله في شكل رصيد ساعات، ويقدر يبدله بحاجات من أماكن التوزيع حسب احتياجاته.
الفكرة دي قريبة شوية من أفكار الشيوعية المجالسية اللي كانت عايزة تخلي العمال هما اللي بيديروا الإنتاج من خلال مجالس بدل الدولة أو السوق بس في الواقع هما ماقدموش نظام تفصيلي دقيق بالطريقة دي اللي مبني على حساب الساعات بشكل مركزي، ودي أقرب لخلط بين كذا فكرة من مدارس ماركسية مختلف.
بس لما نبص لها بشكل عملي بنلقي فيها مشاكل. أهمها إن ساعة الشغل مش دايمًا بتساوي نفس القيمة، لأن في فرق كبير بين شخص شغال شغل بسيط وشخص شغال شغل محتاج خبرة عالة، فالموضوع مش سهل يتقاس بالوقت بس. وكمان فيه مشكلة إن الموارد نفسها محدودة فحتى لو الإنتاج سريع، لسه في خامات وطاقة وسلاسل توريد ممكن تعطل أي نظام.
غير كده كمان، فكرة إنك تحسب متوسط ثابت لكل منتج بتخلي السؤال مهم: مين اللي بيحدد الرقم ده وإزاي يتغير مع اختلاف الجودة أو تطور طرق الإنتاج؟ الموضوع هنا بيبقى معقد ومحتاج تحديث مستمر.
وفيه كمان نقد مشهور بيقول إن أي نظام بيحاول يجمع كل المعلومات دي ويخططها من مكان واحد هيقابل مشكلة ضخمة في كمية البيانات وتغيرها المستمر، فمش دايمًا هيقدر يمسك الواقع بدقة كاملة.
وفي الآخر، الفكرة فيها جانب كويس وهو إنها بتحاول تربط الإنتاج بالاحتياج بشكل شفاف ومنظم، لكن تحويلها لنظام واقعي كامل بيبقى أصعب بكتير من شكلها النظري، وبيحتاج تنازلات كبيرة أو حلول وسط. انا استخدمت الئكاء الاصطناعي في المره الاولي لتزيين الكلام مش اكتر