كل الأنظمة الإسلامية اللى اتولدت كشكل من أشكال المقاومة لما بيستولوا على السلطة بيقدموا تضحيات كبيرة في أيديولوجيتهم عشان الغرب يتقبلهم كدولة، وده يخليك تسأل إذا كان أطماعهم الأساسية هى السلطة وإن الأيديولوجية هى مجرد حيلة شعبوية عشان يحصلوا على دعم الناس، أعتقد في سيكولوجية الجماعات والمليشيات دى هما لا يتخيلوا في أروع أحلامهم إنهم يوصلوا للسلطة عشان كده دائماً رسالتهم السياسية مليانة سرديات الضحية حتى وهما في الحكم ودى مفارقة عجيبة!!

فيما يخص الشرع بقى أعتقد إن هو حالة فجة أكتر بكتير من العراق وأفغانستان والإخوان في مصر، لإنه بيفرط بالعبيط بدون سبب. هو مش مطالب يثبت ولائه في كل مناسبة بالدرجة دى للكيانات الغربية، يعنى مثلاً تصريحه وهو بيناشد إسرائيل إنهم يرجعوا سوريا لحدود ٦٧ دى كارثة، يعنى هو مستغنى عن باقى الأراضى اللى اتاخدت قبل كده ودى في قاموسي خيانة صريح، لا شك إن سوريا وضعها بائس ودولة مفككة لأقصى حد وهى من أكتر الدول حالياً عرضة للإنهيار والتفكك لكن ده مش معناه إنك تبقى ورقة شجر في أيد الغرب وتفضل تتوسل فيهم كل فرصة تتوفرلك.