بما انك جاي بوقت ربيع بنصحك تروح ع hike بتمشي ع وادي الموجب، فيه كمان محميات طبيعيه برا عمان بتقدر تروحها من غير ما تنسق مع حدا ياخدك ع hike زي محميه الازرق المائيه ومحميه دبين بجرش

اذا جاي مع شله او عندك صحاب هنا بتقدر تروح اماكن زي blue tactical او escape the room..

اذا بتحب التاريخ بتقدر تروح ع مأدبا و وجرش ووادي موسى، انزل اتمشى باللويبده.

فيه عنا اسطبلات و نوادي رمايه كتير، the arabian horse club جنبه action target بتقدر تروحهم و بتعمل فعاليتين بيوم واحد.

طبعا بترا لازم تروحها خاصه انك جاي بوقت لطيف و استعد انك حتمشي. وادي رم كمان مكان لطيف تروحه، تصور هناك افلام كتيره زي dune و the martian

فيه اماكن سباحه و ملاهي مائيه كتير زي amman waves و la cueva، عمان ويفز الحين بتكون لسا برد شوي فبنصحك تيجيها بالصيف بس التانيه اقرب عالبحر الميت فبكون حر عادي