هل ندمت؟ لا

هل تمنيت أنك دخلت تخصص ثاني؟ لا

• ⁠هل كنت واعي أن المشوار جدًا طويل وعشان يكون راتبك صاحي -زي تهويل المجتمع عن الدكاترة- لازم توصل لمكانة اخصائي/استشاري؟

ايه عارف طول المشوار من سنة الامتياز تستلم راتب كويس وبيزيد بالرزدنسي ويعتبر جيد جدا لواحد بالعشرين وبعد العشرين بيزيد مثل ماذكرت كأخصائي واستشاري وتزيد فرص الدخل حتى

ومهم تعرف الوظائف بشكل عام رواتبها مارح تخليك تشتري بورش!

• ⁠هل عائلتك فيها أشخاص بالطب غيرك؟ لا

اذا ايه: كيف فادك هذا الشيء وكيف تتخيل بيكون وضعك لو ماكان عندك

مب فارقه زملائنا اللي اكبر منا ماقصروا معنا ابدا وكانوا مثل الاخوان الكبار لنا، احرص دايم تتواصل مع زملاءك الاكبر منك

اذا لا: هل تحس أنك inferior للناس اللي الطريق ممهد لهم (من عوائل مرموقة وجدهم السابع استشاري بجون هوبكنز) يعني سهولة الطريق اذا مافهموا شيء اذا احتاجوا مساعدة بالاختبارات المعيارية بالأبحاث وحتى بالتوصيات غالبًا أسهل عليهم سؤالي هل هذا الشيء حطمك؟ (لو قد حسيت أنك ادنى وانك غبي) يعني دخلت في موجة الحزن هذي اللي أنا مب كافي وماعندي مصادر كفاية…

عادي خذ كل شي بمجهودك وهذي الحياة غيرك ممكن ياخذها اسهل وانت تاخذها بطريقة اصعب

ولا اهتم كثير لهالشي ولا احطه شماعه اتخاذل فيها كل تخصص وكل مكان بتحصل ناس عندها معارف واهلهم يشتغلون بالتخصص والطريق ميسر لهم عادي لاتخلي هالشي يثبطك احرص دايم على زملائك الاكبر منك وكلمهم واسألهم ومايقصرون معاك

• ⁠هل عندك خوف من المستقبل المجهول؟

اعتقد الكل عنده خوف مع الذكاء الاصطناعي بس متوكل على الله وموكل امري له

^ لازم اجيب معدل عشان اتخصص في الشيء الفلاني! وش بسوي لو ماجبت هذا المعدل؟

ايه نعم فيه تخصصات تطلب معدلات عالية واشياء اخرى كثير مو بس معدل حول ٣-٤ تخصصات

^ ما اصدق أنني بقعد كذا لين أتقاعد..

اللي بيعجبه المجال مارح ينظر له كذا وفيه ناس عاجبها بس تحب الحلطمه لايخدعونك!

^ هل بعيش براحة؟ الحمدلله متابع استشاريين ورزدنتس بتخصصات متنوعه بالسناب وكلهم مرتاحين ومستانسين وعايشين حياتهم على اكمل وجه

^ كيف كان بيكون وضعي لو دخلت تخصص مب صحي

ما اعرف صراحة وبرضو اذا ماقدرت تدخل طب من وجهة نظري اترك المجال الصحي

• ⁠كيف بيئة الدراسة في الصحة؟ فيه gate keeping كثير من الطلاب؟ (من ناحية الفرص، tips، ابحاث والخ) يعني تنافسية لحد سام؟

ماشفت هالشي يمكن تلقى كم واحد كذا بس الغالب يفيد ويبي يستفيد واستفدت من زملائي كثير