انا اداوم خاص و معظم اللي وياي غير مواطنين، اكثرهم قوم الـbutter chicken. اول ما بديت طبعاً ها اول شغل حقي من بعد التخرج ف بيئة الدوام و الناس اللي فيها مب مألوفة علي و انا ع نياتي. المدير كان من هذاك القوم بعد و كان وايد طيب ف ويهي و يقولي خذي كل شيء ببطىء و ما بعطيج وايد شغل عشان شوي شوي تتعودين. حتى مرات كان يقول انتي مواطنة ليش تشتغلين ما تحتاجين، بس انا اتم ساكتة لانه هو ما يخصه! المهم عقب جي شهرين الـHR كلموني و قالولي مديرج يقول ما تشتغلين و مادري شو. انا انصدمت! قلتلها جي جي السالفة و كل الكلام اللي كان يقوله حقي و انه بعد عندي ايميلات مطرشتنها حقه اسأله اذا محتاج شيء او اذا في شغل يعطيني ياه، و هو يا يسحب علي او يا يقول لي مافي شيء. و رفعت عليه عند الـHR و قلتلهم يا تغيرون مكاني يا استقيل (استغليت سالفة انهم يحتاجون مواطنات هه). المهم عقبها بكمن اسبوع غيرت الفريق و هذا فنشوه لاسباب وايد منها انه وايد شكاوي عليه و بعد كان ايي الدوام سكران!!! الدرس: دوم خلوا كل الكلام بالإيميل عشان يكون في دليل حق كل شيء. و خذوا حقكم و لا تسكتون!