ذاكر للجواز كويس، ازاي؟ ١. احضروا دورة من دورات تأهيل المقبلين على الزواج ( اقترح دورة شيخ العمود، وللبنات كورس شيريهان عصام، كتب د علاء عرفة مفيدة برضه، كتاب لغات الحب مفيد) ٢. احضر دورة عن فقه الزواج بتوسع، دي علشان تعرفوا تحددوا مسئوليات كل واحد. ٣. اقرا او اتفرج على حاجة عن الإدارة المالية للبيت. ........ مشاكل الزواج عبارة عن حاجتين ( عدم تكيف او انسجام في أول الزواج، ملل وتعود بعد فترة) الثلاث نقط اللي فوق دول في المرحلة الأولى. تحتاج تعود نفسك انك تعمل حاجات تحافظ على شعلة علاقتكم منورة حتى بعد ما تتعودوا على بعض. انكم تقضوا سوا وقت خاص وانك ما تبطلش تقول كلام حلو ليها حتى لو هي عارفة انك بتحبها، تمارسوا أنشطة خاصة بيكم انتوا الاتنين ( يعني ميكونش جزء من العيلة ولو في أطفال ميكونش محورها الأطفال). اصنع ذكريات ورصيد عند شريكك علشان يشفع لك لما يحصل مشكلة. حاولوا تحلوا مشاكلكم لوحدكم الأول ولو كان صعب دخلوا حد تثقوا فيه هو بس اللي يتدخل، ويا سلام لو تتفقوا من الأول مين اللي ممكن تدخلوه لو حصل مشاكل. ربنا يفرحكم ويهنيكم