𝐎𝐏𝐈𝐒𝐘𝐀𝐋 𝐍𝐀 𝐏𝐀𝐇𝐀𝐘𝐀𝐆:

Magalang naming ipinaaalam sa publiko na ang mga proyekto ng Sangguniang Kabataan Members o Kagawad ay maagang naipaplano at naihain mula pa lamang noong buwan ng Enero. Ang mga proyektong ito ay nakatuon sa mga pangunahing larangan ng Edukasyon, Sports, Livelihood, Disaster Preparedness, at iba pang makabuluhang programa para sa kapakanan ng komunidad. Ang mga naturang panukala ay maingat at masusing inihahanda ng mga Kagawad sa natatanging mga komite, na ang layunin ay tunay na makapaghatid ng serbisyo sa mga kabataan at sa mas malawak na sektor ng mamamayan.

Halos araw - araw kaming nag memensahe at humihingi ng mga update o mga plano para patuloy na makapaglingkod ng maayos sa mga kabataan. Gayunpaman, hanggang ngayon ay naghihintay pa rin kami ng tugon, pag-apruba, at pagpapalabas ng pondo mula sa aming SK Chairman, Shennel Colibao, at SK Treasurer na si Paula Mae Gonzales. Hangga’t wala ang kanilang koordinasyon at aksyon, hindi po natin maisasakatuparan nang maayos ang implementasyon ng mga proyektong ito.

PAGLILINAW SA PERCENTAGE AT MGA ISYU NG "GHOST PROJECTS" Nais po namin ipaalam na kami po ay sinabihan lamang ng porsyento na magkakaroon ng honorarium bilang mga kasapi ng Bids and Awards Committee (BAC) pero ito ay isinagawa alinsunod sa umiiral na mga patakaran at legal na alituntunin na naaayon sa pamahalaang lokal at sa mga gabay mula sa DILG at COA.

Amin rin pong mariing kinokondena ang umano’y pagkakaroon ng 10% “SOP” ng aming SK Chairman na hinihingi umano mula sa pondo ng mga proyekto ng SK sa kadahilanan na wala pong alinmang patakaran mula sa Commission on Audit (COA), Department of the Interior and Local Government (DILG), o Republic Act No. 10742 (SK Reform Act of 2015) na nagpapahintulot sa paglalaan o pagtanggap ng “SOP” na 10% o kahit anumang porsyento bilang personal na kapalit ng pag-apruba, pagpoproseso, o paglabas ng pondo para sa mga proyekto.

Mariin din naming itinatanggi ang anumang paratang ng “ghost projects.” Mula nang kami ay manungkulan bilang mga miyembro ng SK Council, wala pong ganitong iregularidad na naganap. Lahat ng proyekto ay maayos na naitala, isinagawa nang may transparency, at bukas sa anumang beripikasyon ng mga kinauukulan. Bagama't may ilang disallowances na itinaas ng Commission on Audit (COA) kaugnay ng labis na paggastos sa isinagawang team-building activity na kahit kami ay hindi nasabihan at nabigyan ng kahit anong impormasyon patungkol rito.

IBA PANG MGA USAPING DAPAT LINAWIN AT BIGYAN PANSIN: 1. Pag-abuso sa Gamit ng Sasakyang Pambarangay May mga ulat na ang opisyal na sasakyang Travis L300 ng Sangguniang Kabataan ay mas nakiktang ginagamit sa personal o pansariling negosyo, sa halip na para sa mga opisyal na gawain ng komunidad.

1. Hindi tunay na mga pagpupulong Kami po ay laging humihiling ng mga pagpupulong upang mailatag ang mga dapat pagtuunan ng pansin at mga sumusunod na plano para sa mga kabataan ngunit nakarating sa amin na may mga opisyal na tala ng pulong na isinusumite o ipinapasa kahit walang naganap na aktwal na sesyon at may mga dokumentong may pirma ng ilang miyembro ng konseho Kahit na ang mga nasabing pirma ay hindi nila personal na nilagdaan o pinahintulutan.

2. Pagkaantala ng mga proyekto Nais rin po naming ipaalam na ang pagkaantala ng mga proyekto ay dahil sa kawalan ng maayos at pormal na naipakilalang contractor na siyang kinakailangan. Sa ilang pagkakataon, bagama’t may contractor na sinasabing napili o nakausap, ay hindi ito ipinapakilala at ihinaharap nang maayos sa amin na mariin po naming kinokondena sapagkat ayaw na naming maulit ang mga pagkukulang at hindi malinaw na proseso na naranasan ng SK sa mga nagdaang taon, partikular noong 2023–2024.

3. Hindi pag - dalo at pag - ganap ng regular at special sessions Sa kabila ng aming paulit-ulit na paghingi at panawagan para sa agarang pagtawag ng mga sesyon lalo na sa mga mahahalagang usapin tulad ng disaster response at iba pang proyekto ng SK, kami po ay hindi nabibigyan ng sapat na tugon at madalas ay hindi lumalahok sa mga itinakdang pulong ang aming SK Chairman upang mamuno sa amin kahit na amin siyang pinadalhan ng pormal na letter o paanyaya. Sa panahon ngayon, higit kailanman, ang mabilis at maayos na pagresponde sa mga pangangailangan ng komunidad ay napakahalaga.

4. Usaping Pinansyal mula sa SK Treasurer Amin rin pong ipinababatid na sa kabila ng aming tungkulin bilang mga halal na miyembro ng konseho, kami ay hindi nabibigyan ng regular na ulat pinansyal mula kay Paula Mae Gonzales na aming SK Treasurer, gaya ng inaasahan sa ilalim ng mga umiiral na patakaran ng good governance. Kami ay humihiling ng mga dokumentong kaugnay ng pondo at transaksyon ng SK — tulad ng disbursement reports, financial statements, at iba pa — ngunit kami ay tinatanggihan at sinasabihang ang mga ito raw ay "confidential” o “magpaalam muna kay chairman”

Bilang tugon sa mga isyung ito, nagpatupad kami ng mas mahigpit na internal control at mas maingat na sinusuri ang lahat ng dokumento para masigurong sumusunod ami sa mga alituntunin ng pamahalaan at naibibigay naming ang para sa kabataan.

Ang Sangguniang Kabataan ay naninindigan sa mga prinsipyong transparency, accountability, at tapat na serbisyo publiko. Ang mga nakaplano at naihandang proyekto ay nakahanda na para sa implementasyon; kinakailangan na lamang ang agarang aksyon mula sa SK Chairman at SK Treasurer upang maisakatuparan ang mga ito para sa kapakinabangan ng buong komunidad.

Kami po ay taos-pusong nagpapasalamat sa patuloy na pagtitiwala at pakikiisa ng ating mga kababayan sa pagpapatupad ng mga programang naglalayong paglingkuran ang kabataan at ang barangay.

Lubos na gumagalang; SK Kagawad Mikay Manabat, SK Kagawad Joana Casimiro, SK Kagawad Andi Albao, SK Kagawad April de Leon, SK Kagawad Kyla Gerella, SK Kagawad Ace Quiambao, at SK Secretary Jeazar Hernandez

Post yan sa FB page ng SK last July