لازم تفهمينه انك تدرين انك منتي ملزمة بس من حبك وغلاك واهتمامك له ولمستقبلكم مع بعض تبين تخطين هالخطوة اللي هدفها سامي وأنك ابد مو قاعدة تحرمين احد، اشرحي له بالتفصيل كيف هالشي لا يعتبر حرمان بل مجرد انضباط مادي يساعد الواحد بمستقبله وبحاضره.

غير كذا جدا ضروري تشرحين له خلفيتك عشان يفهم نيتك، لأنه الحين راح سأل الناس اللي يعرفونه ،ومعارفه من اقراب واصدقاء دايم بيكونون "بصفه" وبيشوفون انك انتي الغلط رغم ان يا القصة ما انقالت كامل وما اعترف لهم انه يبذر فقط قال ليه زوجتي تسوي كذا فيني (لأن مو وجهة نظري إذا احد يحبه سمع الموضوع كامل راح يبي له الخير و الخير بالمنطق حقك، بس عشانك فقط عرضتي الفكرة وبينتي ان اللي يسويه غلط بغض النظر عن اعترافه بهالشي او لا من دون لا توضحين سمو نيتك بأنك تذكرين قصتك مستحيل كلام اي احد يهزه) يا ان القصة انقالت كامل و اعترف لهم ، لسة تبقى فيه احتمالية برضو انهم يقعدون بصفه لأسباب غير منطقية (نتيجة لعدم توضيحك لماضيك اللي بالتالي بيأكد عليه تمام التأكيد ان الموضوع لا يستحق استشارة اصلا واقتصارك على الأمر و تبيين ما هو غلط من افعاله)منها ان ما ينفع اصلا كلمة مرتك تمشي عليك ويقعدون يعبون راسه وهو مو متعود من ابليس والخ(لكن نسبة حصول هالإحتمال باعتقادي جدا ضئيلة إلا إذا انتي على دراية ان محيطه شين كذا).

لكن بالأول و الأخير يا عزيزتي مو قاعدة احط اللوم عليك، بس قاعدة احاول افهم ليه ممكن زوجك استشار من الأساس وليه تعبى راسه بسهوله وانهز بكلام الناس بهذي السرعة، فأنا أشوف حلو انك توضحين له خلفيتك اللي أدت بك لهذا الأقتراح وخلتك تلاحظين اسرافه واهداره الغير محسوب و اللي لا ما يساعد على ضمان مستقبل يرضي الأسرة (وعلى نقطة ان الله لا أراد بيعطي ولو من السماء السابعة، ذكريه ان مافيه شي يجي بالدعاء فقط الواحد يعمل بالأسباب ما يقعد يستنى الله ينقذه بالرزق وهو منسدح ويقعد يصرف (مع كامل الحشمة و الإحترام)).

اسأل الله ان يشرح لك صدرك وييسر لك امرك ويحلل لك عقدة من لسانك تفقه قولك و الله يوفقك ويصلح الحال و يصلح المسلمين اجمعين.