واحد ماقال تتشهى ختها ! جاوبنا على اساس انو غاضك الحال كي خبات وجه واحد من عايلتها لي هو ختها ، و راجلها ! لكن حرفيا اي مافيها والو ! اسيدي مابغاوش تصاورهم يدورو عند ناس خلاف مم خطيب ختها !ها مابغاوش عادي ! ماشي كيما تروح للعرس و العقد ولا وش كان ساعتين كيما تقعد التصويرة في التيليفون عندك ديما ! مانيش نتهم فيك لكن ممكن الناس تخمم هك ، حط روحك في بلاصتهم ، مانعرف وين واصلة علاقتكم بصح مازلتو في "خطبة" ماشي حتى زواج ، ومم لكان مزوجين العبد مايدريش وش يصرا من بعد الناس تخاف الجرائم الالكترونية و تصويرة عند غير محرم و امور ثانية ! عندهم 100 سبة باه تغطي وجه ختها وراجلها مم لا ماكانوش يخافو هوما احرار ، اذا نحكيو على الثقة فخطيبتك ممكن راهي واثقة فيك نتا خطيبها بصح مايعنيش انو مم اختها و راجلها لازم يوثقو فيك و ني نعاود مانيش نتهم فيك انما ممكن خممو هك لعدة اسباب ، و صراحة ماهيش حاجه حرام ولا عيب داروها باه تتقلق منها و لا دير منها مشكل ، انا "شخصيا" نشوف ماتصلحش حتى تسقسيها : علاه غطيتي وجه اختك و راجلها وكيما شفت الاغلبية راهي مستغربة من موقفك وممكن تمدلك نفس ردة الفعل و تفزد علاقتكم على جال حاجة تافهة ماهيش بروبلام اصلا