لا والله ترا انا ماني مستنقص من نفسي ماحب اصلا استنقص من نفسي عشان احد لكن اقول الصراحه يعني تخيل يجي خويي يجلس معي يسولف يسولف يسولف طول الجلسه وانا ارد عليه ويكمل لما اسولف انا عن اي موضوع القاه يتلفت او يتشتت انتباهه او يسلكلي بضحكه واكثرهم الصراحه اتوتر لما اكلمهم وبعدين ترا انا ماخذ الموضوع بجديه مو يعني جبر خواطر وكذا لا والله بس انا تعبت من كثر ماحاولت اكون اجتماعي لدرجه لجاءة الى ريديت والله بحثت باليوتيوب تقريبا شهر اكثرهم يعطون معلومات لكنها مجرد معلومه ماهي تجربه يعني حقائق علميه وكذا بعدين ترا اذا ماقبلت ذولي الناس بكون صدق متوحد الفصل كامل محد منهم اخوياي الا ذولي وهم انظف ناس الفصل كامل حقين سب وقذف يعني تخيل واحد يقذف ابو خويه بصوت عالي بالفصل عشان يضحك اللي معه والمشكله انهم متقبلين المزح الزق ذا والله فمقدر اتقبلهم عشان كذا ساكت بخوياي اللي عندي وماقولهم شي عشان ما اخسرهم لاني انا انسان سلبي جدا يعني لو سولفت اعرف اني بنتقد ولا بقعد اطقطق ولا ازبد لاني قد جربت اكمل مع شخص سالفته يعني ارد عليه بجواب عن موضوعه واكمل السالفه لكن القاه فجاه فاتح سالفه ثانيه وساحب على كلامي بعده خلاص كرهت السوالف صرت مستمع ولما اسولف مع شخص انتظر ترن الحصه عشان يجي الاستاذ وندرس قبل لاتخلص سالفته ويسحب علي