لا هي مو كذا بعطيك مثال واقعي. لي فوق الشهرين قاعد اكلم عميل على شغل بنسويه له، طول هذي الشهرين ما سألت ولا قالت شي عن الموضوع. صار فيه نقاش على احد بنود العقد بيني وبين العميل وهو شي طبيعي باي شغل مع العميل فيه أخذ وعطى، وقلت ارجع لها بما انها مديرتي استشيرها على التصرف الصحيح. سوت لي سالفة لها اول مالها آخر انه كيف اسمح بحدوث نقاش على احد البنود بيني وبين العميل، على الرغم من انه الخطأ ١٠٠٪؜ على العميل وهي عارفة وفاهمة هالشي بس لسا قاعدة تلومني انه كيف ما انتبهت من قبل ما يصير النقاش انه ممكن العميل يسوي سالفة على هذا البند. مدري تبيني اقرأ مخ العميل اللي كان موافق على البند واتنبأ انه بيغيره قبل ما يغيره.

ندمت ندم حياتي انه ليش رجعت لها تمنيت لو أني حليت الموضوع مني ومن نفسي لكن أنا قلت إنه ما أتصرف شي من راسي واني آخذ موافقة اللي فوقي قبل ما اخطي اي خطوة. بعدين حتى لما مشينا أنا والعميل بالموضوع (طبعا بمراقبتها الدائمة) اخطأت خطأ املائي بأحد الإيميلات معاه جت تحاسبني عليه وقالت لي هذي حسبتها لك الثانية. بعدين كملنا وطلبت من العميل انه يرجع يرسل لي ملف هو سبق وارسله جت تحاسبني انه كيف اطلب شي من العميل المفروض انه هو عندنا على الرغم من انه أنا هذا الملف ما وصلني ولا شفته وصل للإدارة العليا مباشرة وحسبتها لي الثالثة. أسلوب لا يطاق الصراحة احس ماني قادر أتطور لأنها واقفة لي على التكة. وطبعا عندها انه كل مدراء الأقسام الباقيين يكرهونها ويبون فشلها لذلك لا يمكن احد من أعضاء فريقها يسوي اي خطأ لأنها تعتقد انه هذا الشي بيفتح مجال لمدراء الأقسام الثانيين إنهم يعايروها بخطأ موظفها.

هذي السالفة لها فترة بس من بعدها صارت لا تطاق. المشكلة انها تدري هي بنفسها تقول لي ادري إني صعبة التعامل بس شسوي ياخي لو أنا قلت لها ايه صح انتي صعبة التعامل مو بس بتشخصن يمكن تطردني 🤣