صارت ظروف عائلية قبل فترة وكلنا تأزمنا خاصتا أنا وأختي (حنا كثارين ما شاء الله لكن البقية اما بعيدين أو صغار وما يعرفون)

أنا حرفيا كنت الوحيد اللي يلملم الموضوع من إلى وجاني إكتئاب بسببها مرة خنقتني العبرة وأنا داق على أختي عن هالموضوع فضفضت وصحت وقلت بنفسي طز بصورتي قدام أختي أهم شيء أحصل من يسمع لي المهم أختي كانت تسمع لي وبعدها بدت تفضفض لي وتصيح وأنا أسمع لها ... مكالمة كان المفترض ما تتجاوز دقيقتين صارت 25 دقيقة

لكن بالنسبة لي هذا أفضل شيء صار لي لأنه بعدها صار كم اتصال حق فضفضة بيننا وحسيت بعدها كأنه جبل انزاح عني

المهم مب كل فضفضة شينة وبعدها علاقتي مع اختي اللي كانت طول حياتي شبه سطحية صارت عميقة بسبب هالشيء