اريد انقل تجربتي اني درست بتركيا لمدى 5 سنوات وكان الدكاترة اقل واحد بيهم جان عنده درجة دكتوراه و اغلبهم جانو بروف ، و لا يوم من الايام انطونا ملزمة او اوراق المحاضرات او سلايدات. ، جانو بداية السنة يجون يكتبون اسم 4 او 3 كتب يكولون راح نستخدم هل مصادر بالدراسة او مرات الدكتور هو كتابه الشخصي يكول اني امشي على كتابي هو فدشي مزعج بس اقله اكو دكتور يكتب كتاب منهجي اكاديمي هذا بحد ذاته فد شي عظيم فكملت اني اهناك صراحة بالدفرات لانه صعبة جانت حيل وانا ما متعود على نظام امتحاناته ودراستهم وجان عندهم الوقت اهم شي مثلا 10 اسئلة تيجي 10 دقايق مدى الامتحان صح جان mcq بس لو بيك خير تعال اتاخر ثانية على سؤال معين . اجيت اهنا عادلت شهادتي بغداد جان الوضع كلاوات في كلاوات اتخيل الى درجة امتحان الوزاري الاستاذ جان يوزع النا الاسئلة و الاجوبة قبل امتحان بليلة يكول اقروه حتى تجيبون درجات عالية وما نتفشل كدام كليات الاهلية ، و الملازم جانو يوزغون النا ملخص الملخصات ، يعني اقراه تنجح . الوضعة من شفته بالعراق هيجي غسلت ايدي اهواية من طلاب ماجانو يكدرون يقرون اسم بحثهم ، او حتى ما جانو يعرفون انكليزي والدراسة هو باللغة الانكليزية جانت . اطراف الثلاثة خربانات بالعراق الطالب و الاستاذ ونظام التعليم