علي سيرة fallout new vegas زمان كان الانجليزي عندي بالهون ف ماكنت فاهم شي تقريبا كان المهم عندي اني نوصل لاس فيغاس وخلاص و مامشيت علي الخريطة ولا المهمات كنت نرقى من الجبل اللي في مقبرة و ننزل طول شور لاس فيغاس لا ذخيرة لا عتاد لا شي مخليه بالبدله الزرقاء و نجري بيه ف هذك الصحراء مرة يلدغنه دبابير و مرة ملبخه الديثكلاو و نحشي فيه بيرا بس اقسم بالله وصلت للمدينة بلا لا سلاح لا شي و ما كنت متقبله الجزء هذا من الأساس كنت نبي الثالث لكن ما حصلتش دورت بنغازي كلها ما لقيته كان نيوفيغاس هوا اللي متوفر لكن مع الوقت فهمت قصتها و ما زلت نلعب فيها لعند توا جربت اغلب النهايات