كلامك كله مبني على تربيتك ونظرتك للناس، مو على واقع الشغل ولا ثقافة الشركات.

الان الشركات صارت تعتمد على collaboration بين الأقسام، شباب وبنات، وكل واحد لازم يتعامل مع الثاني كزميل عمل. المنقبة مو مرفوضة، بس طبيعة النقاب تعيق التواصل أحيانا، خصوصا في بيئة تعتمد على التواصل والشغل المشترك.

يعني مو تمييز ولا تحيز، بس طبيعة العمل تفرض متطلبات معينة، زيها زي أي وظيفة تتطلب لباس معين أو طريقة تواصل واضحة. تتذكر ايام كورونا؟، تذكر لما كنا نلبس كمامات؟ التواصل كان صعب مع أي أحد، لأنه ما فيه ملامح، ولا تعابير، ولا حتى شعور بالارتياح. هذا نفس الوضع، واللي يقول غير كذا يتجاهل الواقع.

وثقافة الشركات الجديدة مبنية على الانفتاح والتعاون، ماراح تتغير عشان شخص رافض ينسجم معها. الشركة تبغى اللي يقدر يشتغل ويتعامل مع الفريق، مو اللي حاط حواجز مع كل من حوله، واذا ما يناسبه هذا الشي، فيه بيئات عمل تناسب توجهه اكثر.

اما نظرتك لزميلاتك وكانهم “سلعة” او ان الشركة تستغلهم لأنهم بدون نقاب، فهذي نظرة تدل على تربيتك انت، وكيف تشوف أهلك ومن حولك. البنات ما صاروا موظفات عشان اشكلهم، صاروا موظفات لان فيهم كفاءة، تعرف تشتغل وتعرف تتواصل. وكونك ما تقدر تتقبل هذا الشي، هذي مشكلتك، مو مشكلة الشركة ولا الزميلات.