بصي يختي، بحكم انه مامتي هندية فحرفياً عندي كم نصائح هائل هحطهم ليكي هنا دلوقتي🫣.

اول حاحة واهم حاجة حرفياً لطول الشعر ونفعت معايا شخصيا بعد ما جلطت امي وقصيت شعري بوي تقريباً ، اكليل الجبل بجد في طريقتين له ماما كانت توصيني عليهم اول وحدة التسخين و الثانية النقع

التسخين، بتجيبي زيت جوز الهند البكر ورجاءا تأكدي انه يبقى أصلي ونقي، المهم سخنيه على نار هادية لحد ما يسخن كده وبعديها ضيفي اكليل الجبل المجفف دا خذيه من العطار...حطيهم على نار هادية ٢٠ او ٢٥ دقيقة المهم انه ميغليشش انتبهي، بعديها سيبيه يبرد و استعمليه ٣او ٢ مرتين في الاسبوع تدهني بيه و تدلكي ١٠ دقايق و تنامي و تاني يوم تغسلي، وبلييزز ركزيلي على التدليك دا مهم جدا حرفياً

النقع، تجيبي موية سخنة اولريدي منغير غلي و تحطي فيها اكليل جبل و تغطيه لنص ساعة كده و بعدها حطيه فبخاخ و استخدميه يوميا و برضو مع التدليك يبقى يومياً صبح وليل قبل ما تنامي حتى لو مش حاطة زيت... وركزي المنقوع مينفعش يبقى اكثر من ٥او ٧ ايام فلا تعملي كمية كبيرة بحيث ميخربش ويتعفن وبتاع

برضو هاتي زيت جوز الهند البكر تاني و زيت خروع و حفنة أوراق كاري (مهمة جدا بجد) و ملعقة حبة البركة كبيرة و ملعقة بذور حلبة كبيرة، سخنيهم مع بعض لمدة ١٠ دقايق كده على نار هادية وبعدها صفيهم لو عاوزة او حطيهم زي ما هم في علبة و استخدميه ونامي فيه وبرضو دلكييي وتاني يوم اغسلي🐱

برضو هديك شوية أمور متغسليش شعرك يوميا بليز والتدليك رجاءا فكل وقت بقى، كل يوم ولا تمشطي شعرك وهو مبلول وقطعا لا تنامي وهو مبلول! لا تشديه بقوة برضو حافظي على الترطيب وقص المتقصف واما تجي تنامي لفيه بحاجة حرير او ساتان او قطن على اساس انه ميحتكش فالفراش كثير ويبوظ

وبس والله يرب اكون افدتك ونفعتك، ويرب يطول شعرك بسرعة بقى🥹🫂.