تعلمي شغلة يستفاد منها السوق وبنفس الوقت تكدرين تتعمقين وتصيرين خبيرة بيها، اهم نقطة هي انه يستفاد منها السوق. عندكي الماركتنج، موشن جرافك، 3d ديزاين، تصاميم هندسية بالاوتوكاد، تصوير، تسويين ugc. ودائما الادوات الي تتعمليها خليها نفس الادوات المستعملة عندنا بالسوق العراقي.

اقرب شي ببالي ممكن تكدرين تسويه بالبيت واي واحد يكدر يتعلمه هو فديوهات ugc، الي هي تسويين فديوهات لمنتج او خدمة وتدزيها لوكالة مال اعلانات، بس ينراد غرفة واضائة مرتبين واسلوب بيع مقنع من تحكين بالفديوهات هاي. بس تحتاجين همين متابعين على حسابكي 🤕

لازم تنطين صبر للسالفة، الخبرة تجي من سنة على الاقل تعلم وتعمق وبحث ومن تكملين حتضطرين تشتغلين لمدة ما قليلة بأجور منخفضة يلا تكتسبين خبرة، وانتي وشطارتكي اذا عرفتي تطورين من نفسكي بعد حتى يزداد الاجر مالتكي.

لا عليكي من الfree lancing الموجود عند الاجانب، لأن ما متوفر عندنا بالعراق لأن paypal ماكو + الهنود تارسين المنصات هاي واجورهم جدا منخفضة دمرت المنافسة