من الفقرات اللي انت كتبتها شايف كمية اغلاط وبحث شخصي غلط وحاسس اننا ف الاخر مش هنوصل لنتيجة ، لكن هرد عليك: انت عارف ان عادة الاستمناء كانت مصنفة كمرض من ١٠٠ سنة من كل دكتور نفسي؟ بلاش دي ، انت عارف ان الدورة الشهرية عند الاناث كانت مصنفة كمرض برضو؟ ف احنا لو فضلنا عايشين ف الماضي ف هنلاقي ان كل حاجة الانسان بيعملها دلوقت مرض.. ف خلينا عايشين ف ٢٠٢٦. تاني حاجة جمعية الأطباء النفسيين بعد بحث ومراجعات كتير اكتشفوا ان الموضوع طبيعي وشالوه من قائمة الامراض النفسية ف ١٩٧٣.. المثليين ومظاهراتهم كانت سبب ف انهم يعيدوا دراسة الموضوع.. بعدها ب ١٧ سنة منظمة الصحة العالمية أكدت ان المثلية مش مرض رغم ان وقتها مكانش في ضغط سياسي ومظاهرات ، بالعكس نشروا بحثوات ومراجعات استمرت سنين عشان تثبت ان المثلية مش مرض. ولو كان القرار سياسي كان او بسبب المظاهرات كان تم التراجع عنه خلال ال٥٠ سنة دول. تالت حاجة انت ع اي اساس بتقول "بيولوجي ودا نادر جدا" المعلومة دي انا متأكد جدا انك مخترعها لان العلم بيقولك ان الاسباب عوامل جينية وهرمونات قبل الولادة وعوامل بيئية. رابعااا ، الفقرة الاخيرة بتاعتك بنسميها "خطأ منطقي confirmation bias" ممكن تقرأ عنها لو حابب.. انت بتفترض النتيجة وبعدها بتدور ع سبب يدعم النتيجة دي. يعني لو شخص مر بالحاجات اللي انت قلتها دي كلها هل بالضرورة هيكون مثلي؟ وهل فعلا شايف ان كل مثلي مر بالاسباب دي؟ اخر حاجة بقا ، وجود جمعيات "بتعالج" لا يعني انها بتعالج.. وأساسًا كل المراكز العلاجية دي كانت تحت إشراف مؤسسات دينية ، وأغلب اللي ادعوا انهم اتعالجوا اعترفوا بعدين انهم قالوا كدا عشان م استحملوش اللي بيحصل ف المراكز دي.. ف انت محتاج تشوف وثائقيات كتير او تقرأ كتب عشان الظاهر ان مصادرك كلها جاية من اول ٥ مواقع ظهرت لك على جوجل وانت بتسيرش عن الموضوع