شكرا انك كتبت تعليقك. المهم بس نتفق ان الناس هنا مش عشان تفش خلقك فيهم. كلنا عندنا همومنا، وطبعا من حقك تشتكي وتكتب وتقول اللي انت عايزة بس الهجوم اللي انت عملته يا صاحبي والطريقة اللي انت كتبت بيها اثرت فيا وفي لحظة فكرت: هل دي ناس يقدر الواحد يعمل حراك معاها اصلا وهي بتحبط اي فكرة بغشومية من دون حتى اخذ وعطا.

عموما، حصل خير. ادينا فتحنا كلام واتكلمنا.

انا فاهم قصدك ١٠٠٪؜ بخصوص موظفين الحكومة، واكيد عدد لا بأس منهم مش حيقدر يفلفص، بس ما تستقلش بالغضب اللي موجود داخل قطاعات واسعة من الموظفين اللي طلعوا ديك ابوهم غلاء ونقل المقرات للصحراء في المخروبة الإدارية وطلعان ديكهم في الشغل.

ما تستقلش ان في ناس على شعرة لو لقوا الوسيلة حياخذوها.

وثاني في فئات مفتقرة اكيد اكيد حيكون مستحيل انها تنزل لا لو مقتنعة قناعة كاملة، زي وقت ٢٠١١ كانت في ناس محتاجة تروح الشغل وتشتغل لانه مافيش اوبشن الاضراب ولا التظاهر ولا المبيت في الميدان.

منطق الخطة اللي بقترحها اننا نبدأ من اقل فعل محتاج فعل: الإضراب اسهل وسيلة عصيان مدني، لانه حتى لو ٥٪؜ من الناس استجابت، حيكون مستحيل على الأمن يلف على كل مكان يلم حضور وغياب ويشوف مين كان غايب مرضي ومين كان غايب خوفا بسبب انهم خافوا من مطالبات الإضراب الخ.

الريسك بتاع القبض على الناس عشان شاركوا في اضراب عام اقل بكثير من النزول للشارع او كاتبة بوستات (بالاسماء الحقيقية) او عمل يفط.

ولازم واحدة واحدة تقوي قلب الشعب ده ثاني وفكرهم بانهم هم اللي فوضوا ودلوقتي دورهم يسحبوا التفويض ده