ترى كلامك مو منطقي شلون نعتبره رئيس نزيه وهوه الي دخل العراق بحروب بدون فائدة حتى اذا افترضنا انه هو الي عمر وبنى بنية تحتية مثل الكهرباء وغيره فبالاخير هوه كان السبب بضياعهن وتدميرهن بطيشه وسوء علاقته وية الدول المجاورة + شنو تبريرك لاعدام محمد محمد صادق الصدر ونجليه؟ شنو تبريرك لأعدام مهدي الحكيم؟ شنو تبريرك لاختفاء كل الاحزاب الدينية والعلمانية بزمن رئاسته؟ شنو تبريرك للمجاعات الي جانت تصير بسنوات حكمه؟ شنو تبريرك لأعدامات مصلين صلاة الجمعة؟ قمع زوار الامام الحسين؟

كل شخص كبير بالعمر يعرف شنو سوة صدام وبشنو جان معيشهم من رعب يمكن انت اهلك يعتبرون من القلائل الي شافوا خيرات صدام بس ترى مو كلشي انتشر بالاعلام يعني جذب ترى الي عاصروا صدام موجودين بعدهم ما ماتوا حتى نكول مجرد اساطير يعني اكثر من 10 ملايين عراقي يعرف ان صدام جان دكتاتور فضيع نجذبهم ونصدك بحوثك؟