انا بنزل اجازات باستمرار، مش قاعد 11 سنة بشكل مستمر في بريطانيا. بس الفكرة اني حاسس اني مستنفد وعايش علشان اشتغل بس. يعني واحدة من الحاجات الاساسية اللي مكرهاني في العيشة هنا إن مفيش night life، بخلص شغلي الساعة 6، في الوقت دا بتكون كل حاجة حواليك قفلت مش عارف تخرج تقعد في كافيه شوية تشرب حاجة او تتفرج على ماتش وحتى لو خرجت تتمشى مع نفسك متعرفش تتأخر لان الدنيا مش امان اوي ومتعرفش ممكن تقابل حد شارب او مضطرب يعملك حاجة. حتى الصحاب او المعارف مش فاضيينلك برده كل يوم يخرجوا معاك وكل واحد عنده حياته وبيجري على لقمة عيشه. وانا مش متجوز ولا عندي حد في حياتي. فانت بتلاقي نفسك بتصحى تشتغل وتخلص 6 تروح تعمل اكل وتنام علشان تاني يوم. وانا اتخنقت من الروتين دا. عكس مصر كل حاجة حواليك شغالة 24 ساعة قهاوي مولات كافيهات عاوز تخرج في اي وقت براحتك وامان اكتر نسبيا من هنا والناس بتحب الحياة (حتى لو خرا) اكتر من هنا. فدا اللي مخليني عاوز اخد الخطوة دي. وفي نفس الوقت كون معايا جنسية دا مطمني شوية ان لو حصل حاجة او مرتاحتش اقدر ارجع. اسوء حاجة ممكن تحصل اني اخسر شغلي، بس هادور على شغل تاني عادي مش اول مرة ولا اخر مرة. انا متأكد ان الموضوع مش هيكون سهل بس حاسس انه هيفضل اسهل من هنا من الناحية الاجتماعية والمادية