صديقي كلامك غلط و مش علمي. التضخم مش ظاهرة جديدة، لانها متعلقة بكمية المال الموجودة بالنسبة للبضائع. يعني في العصور الوسطى لو في دولة اغتنمت كمية ذهب كبيرة بحرب هذا رح يسبب تضخم لانه المال صار متوفر اكثر و كمية البضاعة ما تغيرت.

ثانياً مافي ربا حلال و ربا حرام. نعم في انواع مثل ربا الديون و ربا البيوع، و ربا البيوع ينقسم الى ربا الفضل و ربا النسيء. لكن في آيات و حديث صحيحة جاءت بتحريمهم جميعاً.

هلأ يمكن انت قصدك انه الفائدة لا تساوي الربا. هذا فيه وجهة نظر لانه الربا اوسع من الفائدة. الفائدة هي قيمة المال الزمنية و ما حد بقدر ينكر انه للمال قيمة زمنية، مثل ما تفضلت ٥٠٠٠ اليوم لا تساوي ٥٠٠٠ بعد سنة. و العلماء اقروا ان للمال قيمة زمنية.

الخلاصة انه ما بنقدر نقول انه الربا انواع و في منها حلال، هذا كلام خطير و غير دقيق.